Lyrics: Bishop Gorantla Johannesh
Tune: Gunturu Yesupadam
Music: Duggirala
Album: యేసులాలి 2
ప. ఏ గుడిలో పుడితేనో కాదు జయంతి
యేసు నా గుండెలో పడితేనే క్రీస్తుజయంతి ||2||
నా ఊరు నజరేతు నా ఇల్లే బెత్లహేము ||2||
పుట్టబోవు నా ప్రభువుకు పశులపాక నేనౌతా ||2||
1. అస్తమించి నాడెపుడో
నా బ్రతుకున సూర్యుడు
అలవిగాని పాపపు చలి
అయ్యో వణికిస్తున్నది
నడిరాతిరి బ్రతుకునాది
కలల మంద కాపునాది ||2||
మరియతల్లి మదినున్నది
నాలో ఉదయించరావా
ప్రభువా .. బాలదేవా..
రావా నను బ్రోవవా ||2|| ||ఏ||
2. ఊరు పేరు లేని పల్లె నజరేతును మార్చినావు
గొల్లవారి బ్రతుకులలో
గొప్పమార్పు తెచ్చినావు
లోకపు పోకడలు మార్చి
చరితమే తిరగ రాసి ||2||
భవితమే మార్చినావు
నా బ్రతుకును మార్చరావా
ప్రభువా .. బాలదేవా
రావా నను బ్రోవవా ||2|| ||ఏ||
3 పేదగ పుడతానంటే నిరుపేదను నేనౌతా
దీనాత్మను కోరితే దీనుడనై బ్రతుకుతా
నాకున్న సిరులన్ని కన్న కలలన్ని ||2||
పశులపాక పరిచాను ప్రభువా పవళించరావా
ప్రభువా... బాలదేవా...
రావా నను బ్రోవవా ||2|| ఏ||
