Lyrics: Fr. Eruva Lourdhu
Music/Tune: Duggirala
Album: యేసులాలి - 2
ప. అందమైనది ఈ లోకం
మీ అనురాగానికి ప్రతిరూపం
ఆది దేవ ఇది నీ నందనం
అందుకొనుమా హృది వందనం ||2||
1. గలగలపారే సెలయేరులలో
(నీ) పలుకుల మధురిమ విన్నాము ||2||
తీయని కోయిల గానములో
(నీ) కమ్మని మాటలు విన్నాము ||2||
పురివిప్పిన నెమలి నాట్యంలో
(నీ) కళావైభవం గాంచాము
ఏడు రంగుల మబ్బుతుంపరలు
సృష్టి ప్రాభవం గాంచాము.
2. విరబూసిన ఆమని పువ్వులలో
(నీ) చిరునవ్వులనే చూసాము ||2||
వికసించిన ఆ మబ్బులలో
(నీ) వరధారలనే చూసాము
పున్నమి జాబిలి వెన్నెలలో
నీ చల్లని మనస్సుని గాంచాము
ఏడు రంగుల మబ్బుతుంపరలు
సృష్టి ప్రాభవం గాంచాము. ||అ||
