Lyrics: unknown || Tune: unknown
Music: unknown || Album: unknown
ధన్యురాలవు మరియ ధన్యురాలవు -
దేవునిచే ఎన్నుకొనబడిన దానవు
కన్యగా రక్షకుని కనిన అమ్మవు -
అందుకే అందరికి అమ్మవయ్యావు
1. నీవు కోరినట్లు నీ దివ్య పుత్రుడు -
నీటిని మేలైన రసము చేశాడమ్మా
కలుషమైన కఠినమైన మా మనస్సులను
మార్చమని మా కొరకు మనవి చేయవమ్మా
2. దీనులమై నీ ముంగిట వేచియున్నాము -
మా మనవులు ప్రేమతో ఆలకించవా
ఆలకించి దేవునికి విన్నవించుమా -
కరుణామయి కనికరించు మా మేరిమాత
