Lyrics/Tune/Prod: Fr. Jeevanbabu P
Music: Naveen M
Album: యేసే నా ఆశ - 5
గానగరీస గాపగరిస రీగరిషాద పాదపరీస
నీలాకాశం నుండి - వానా మంచు కురిసి
భూమినంతటిని తడిపి - ఫలమిచ్చేట్టుగా
దేవుని నోట నుండి - ఏతెంచిన ఈ వాక్కు
మానవ హృదిలో నాటి - ఫలమిస్తుందిగా
రాళ్ళు ముళ్ళు నడిచే నేల - ఫలమిస్తుందిగా
ముప్పది అరువది నూరంతలుగా - ఫలమిస్తుందిగా
అల్లెలూయా... అల్లెలూయా... ఆనందమానందమే.
1. రాతి నేలను మంచి నేలగా - మార్చును ఈ వాక్కే
ముళ్ళ పొదలను మల్లె పొదలుగా - మార్చును ఈ వాక్కే
రాతి హృదిని తీసివేసి - మాంసపు హృదిగా - మార్చును ఈ వాక్కే.
2. దారి తప్పిన గొర్రెపిల్లను - వెదకును ఈ వాక్కే
చిమ్మ చీకటిని దివ్య వెలుగుగా - మార్చును ఈ వాక్కే
తన రుధిరమునే - పాప విముక్తికై
ఈ భువియంతా - కార్చెను ఈ వాక్కే.
