Lyrics: unknown || Tune: unknown
Music: unknown || Album: unknown
చూతమా మాతను చూతమా
స్నేహితులారా చూతమా
1.చూతమా తన కొడుకు బాధల
సృక్కిపోవుట గాంచి భువన
ఖ్యాతుడీ గతియాయెనని తన
కంట నీరొలికించు మరియనుllచూతమాll
2.మోదమగు పూదోట దుఃఖము
పాదుకొని చిత్తమున రక్త
స్వేద మొలికెడు సుతుని గనియు
న్మాదియై దుఃఖించు మరియను llచూతమాll
3.రాతి స్తంభమునను జూదులు
చేతుల విరగ గట్టి కొట్టిరి
మాత విడువక యుండి అల
నిర్భీతు సుతునిగని వగచు మరియను llచూతమాll
4.ఆకటకంటక మకుటమున తల
నదుమ వగచెడు సుతుని గనితా
వికల మానసికంబు తోడను
వెచ్చ నూర్చెడు మరియాంబను llచూతమాll
5.కొడుకు స్లీవను భుజమున బెట్టియు
కొండకేగగా బాధలన్నియు
దడయక వీక్షించు వగవున
తల్లడిల్లెడు దేవ మాతను llచూతమాll
6.తన సుతుడు కపాల పర్వత
మునను నాటిన స్లీవ మ్రానున
బాధ చెందుచు మరణ మొందిన
మహిని గని దుఃఖించు మరియను llచూతమాll
